Татарские стихи для детей

BalaChaga.ru - стихи на татарском языке для детей школьного и дошкольного возрастов

Айнур үпкәләде

Ап-ак кына, йомшак кына
Кар явып киткән кичтән.
Мондый матур, йомшак карны
Ул көтә иде күптән.

Тәгәрәтеп җепшек карны,
Ясап куйдык Кар бабай!
Менә, малай, бабай инде —
Бар бабайларга бабай!

Иртәгесен Айнур торып,
Тәрәзәгә караса,
Кар бабайдан җилләр искән —
Эреп беткән ләбаса!

Айнур аңа үпкәләде —
Үзен ташлап киткәнгә…
«Чын кыш түгел икән лә бу,» —
«Алдакчы» кыш икән лә!

Автор:
Фирая Зыятдинова

Добавить комментарий

Ваш e-mail не будет опубликован. Обязательные поля помечены *