Татарские стихи для детей

BalaChaga.ru - стихи на татарском языке для детей школьного и дошкольного возрастов

Әниемә кем кирәк?

Алмазга Азат кирәк,
Азатка Алмаз кирәк.
Муенга атландырганда
Әти дә аз-маз кирәк.

Җәен кунакка барганда
Әби-бабайлар кирәк.
Рәхәтләнеп уйнарга
Күрше малайлар кирәк.

Иң кирәкләрнең кирәге
Әниебез бигрәк.
Нигә икәнен санарга
Бармаклар бик күп кирәк

Йоклатканда да кирәк,
Юатканда да кирәк.
Иртәләрен иркәләп
Уятканда да кирәк.

Һәммәсенә әни кирәк
Ә әнигә кем кирәк?
Әниләргә без кирәк,
Якты, аяз көн кирәк.

Автор:
М. Әхмәтҗанов

Добавить комментарий

Ваш e-mail не будет опубликован. Обязательные поля помечены *