Татарские стихи для детей

BalaChaga.ru - стихи на татарском языке для детей школьного и дошкольного возрастов

Әти кайтыр эштән…

Һәммәсе дә әзер:
Мичтә бәлеш пешкән…
Тик әтинең кайтып
Җитәсе бар эштән.

Тынлык. Сәгать кенә
Тек-тек килә өйдә.
Барыбыз да көтә:
Әни, мин, кечкенә

Миләүшә бишектә.
Кайтып керер әти,
Әниемне үбәр,
Мине күккә чөяр.

Бишегеннән алып,
Миләүшәне сөяр.
Идән юганымны,
Су китергәнемне

Әни аңа сөйләр.
И сөенер әти,
Улым уңган, дияр!
Сагынып, зарыгып

Барыбыздан битәр
Әтине мин көтәм:
Ул кайтудан да зур
Шатлык бармы икән,

Бу дөньяда бүтән?..

Автор:
Ямаш Игәнәй

Добавить комментарий

Ваш e-mail не будет опубликован. Обязательные поля помечены *