Татарские стихи для детей

BalaChaga.ru - стихи на татарском языке для детей школьного и дошкольного возрастов

Август

Җиләкләр беткән чаклар,
Шомыртлар кипкән чаклар.
Бәрәңге үскән чаклар,
Алмалар пешкән чаклар.

Миләшләргә бүрек-бүрек
Кызыл ут капкан чаклар.
Арыш башакларын уып,
Куаныч тапкан чаклар.

Белдеңме инде син, дус,
Төрле-төрле эшләпәле
Гөмбәләр үскән чаклар.

Бөтен авыл белән бергә
Уракка төшкән чаклар.
Өем-өем помидорлар
Кызарып яткан чаклар.

Җир җимертеп болыннарда
Колыннар чапкан чаклар.
Менә нинди ул август!

Автор:
Дамир Гарифуллин

Добавить комментарий

Ваш e-mail не будет опубликован. Обязательные поля помечены *