Татарские стихи для детей

BalaChaga.ru - стихи на татарском языке для детей школьного и дошкольного возрастов

Бик усал безнең ата каз

Беләсезме, безнең казның
Бәбкәләре унике. —
Яхшы карасаң, — ди әни, —
Берсе булыр синеке.

Әмма ата каз килешми
Әнинең сүзе белән.
Кырын-кырын карый миңа
Гел усал күзе белән.

Беркөн шулай үз бәбкәмне
Булдым тотып карарга.
Тик ата каз канат җәеп
Килде мине таларга.

Ул усалның чукуыннан
Көчкә качып котылдым.
Ә ата каз ана казга
Мактанырга тотынды.

— Күрдеңме, теге малайны
Җибәрдем бит кыйнап, — ди.
Ана каз да аны хуплап:
— Кыйгак, кыйгак, кыйгак, — ди.

Аның усал булуы да
Ярый, бер уйлаганда,
Бәбкәләрне тилгәннәрдән
Саклый мин булмаганда.

Автор:
Нәҗип Мадьяров

Добавить комментарий

Ваш e-mail не будет опубликован. Обязательные поля помечены *