Татарские стихи для детей

BalaChaga.ru - стихи на татарском языке для детей школьного и дошкольного возрастов

Чебиләр

Өй алдында чебиләр:
— Чип-чип-чип! — дип йөриләр.
Кечкенә канатлары,
Муеннары сап-сары.
Күпереп тора йоннары,
Ул — аларның туннары.
Мин җим сипсәм, бииләр.
— Акыллы бит син, Дилбәр,
Сип, сип, сип, сип күп! — диләр.
Үзләре гел чүплиләр.
Җәйләр менә үтәрләр,
Чебиләр дәү үсәрләр.
Шатланырлар, биерләр:
— Без тавык! — дип йөрерләр.
Шулвакыт инде минем
Әни биргән кәрзинем
Йомырка белән тулыр…
Тулырмы? Тулыр!
Яшь әтәчем дә булыр.
Булырмы? Бу-лыр!
— Кикрикүк, — дип, — кикрикүк! —
Мине уятыр иртүк.
— Кикрикүк!
Мин утырам чирәмдә.
Чебиләрем тирәмдә:
— Чип-чип-чип! — дип йөриләр,
Талпынышып бииләр.

Автор:
Мәхмүт Хөсәен

Добавить комментарий

Ваш e-mail не будет опубликован. Обязательные поля помечены *