Татарские стихи для детей

BalaChaga.ru - стихи на татарском языке для детей школьного и дошкольного возрастов

УМЫРЗАЯ

УМЫРЗАЯ

Җир кар-боздан арынмаган
Гөрләвекләр шаулап ага.
Таң нурлары кабынмаган,
Йолдызлар да күз йоммаган
Яз чәчәге керфек кага.

Нечкә билле умырзая
Яз сулышын тоя иртә.
Калфак- калфак чәчәкләре,
Аклы- зәңгәр бизәкләре,
Урманнарны ямьле итә.

Сыйпап йөзен, назлап үзен
Әкрен генә җилләр исә.
Җәй ясыйм дип умырзая
Ак каеннар тирәсендә
Язгы күккә карап үсә.

Автор: Ә. Габиди.

Добавить комментарий

Ваш e-mail не будет опубликован. Обязательные поля помечены *